گېرمانىيە بىرلەشمىسى رىكورت ياراتتى

           گېرمانىيە كەسپىي پۇتبول بىرلەشمىسىنىڭ ستاستىكىسىغا ئاساسلانغاندا 2011-2012 مۇسابىقە پەسلىنىڭ ئالدىنقى يېرىم پەسلىدە گېرمانىيە بىرلەشمىسى مەيدانغا كىرگەن تاماشىبىن سانى جەھەتتە يېڭى رېكورت ياراتتى، يەنە گېرمانىيە ب دەرىجىلىك بىرلەشمىسىدىمۇ بۇ جەھەتتە بۇرۇنقىدىن زور دەرىجىدە ئاشتى . ئالدىنقى يېرىم پەسىلدە جەمئىي 153 مەيدان مۇسابىقە ئوينالغان بولۇپ، جەمئىي 6 مىليون 780 مىڭ تاماشىبىن مەيداندا مۇسابىقە كۆرگەن بولۇپ، ئوتتۇرا ھېساب بىلەن ھەر مەيدانغا 44345 دىن توغرا كەلگەن، بۇ سان گېرمانىيە بىرلەشمىسى تارىخىدىكى ئەڭ يۇقىرى سان ھېسابلىنىدىكەن. لېكىن مۇسابىقىگە كىرىش بېلىتى باھاسى جەھەتتە ئازراقلا تۆۋەنلەش بولغان بولۇپ ئوتتۇرا ھېساب بىلەن ھەر مەيدان مۇسابىقىنىڭ كىرىش بېلىتى باھاسى 22.43 ياۋرو بولغان . ب دەرىجىلىك بىرلەشمىدە ئوتتۇرا ھېساب بىلەن ھەر مەيداندىكى تاماشىبىن سانى 17125 بولۇپ، ئۆتكەن پەسىلدىكى 13474 دېگەن ساندىن %27 ئاشقان. ئالدىنقى يېرىم پەسىلدىكى ئا ۋە ب دەرىجىلىك 306 مەيدان مۇسابىقىدە جەمئىي 9 مىليون 400 مىڭ تاماشىبىن مەيداندا مۇسابىقە كۆرگەن بولۇپ ئۆتكەن يىلدىكى مۇشۇ ۋاقىتتىن 1 مىليوندىن كۆپرەك ئاشقان .