ياۋرۇپا ئۇزغانلىق بىرلەشمىسى 8 /1 ھەل قىلغۇچ مۇسابىقىسىنىڭ ئىككىنجى ئايلانما مۇسابىقىسى 2 - ئاينىڭ 16 - كۈنى سەھەر سائەت 1:45 مىنۇت ئۆتكەندە مىلاننىڭ سان سىرو مەيدانىدا مىلان ساھىپخان ھالەتتە مىلان بىلەن ئارسېنال ئوتتۇرسىدا ئېلىپ بېرىلدى . 4 يىل ئاۋالقى مۇسابىقىدە ئارسېنال مىلاننىڭ سانسىرو مەيدانىدىن 3 نومۇرنى تولۇق ئېلىپ مىلاننى ئوڭۇشلۇق شاللاپ 8 كۈچلۈك قاتارىغا كىرگەن . ئۇندىن بۇرۇنمۇ دەل مۇشۇ مەيداندا ھېنرىي باشچىلىقىدا ئىنتېر كوماندىسىنى 5:1 نەتىجە بىلەن ئۇتقان بولۇپ ، بۇ قېتىملىق مۇسابىقە مەيلى خارەكتىر ۋە مەيلى رىقابەت جەھەتتىن بولسۇن مەستانىلەرنىڭ دىققىتىنى تارتىپ كەلگەن . 4 يىل ئاۋالقى نەتىجە يەنە بىر قايتا تەكرارلىنامدۇ ياكى نەتىجە باشقىچە بولامدۇ دىگەن مۇلاھىزىگە مىلان ساھىپخان ھالەتتىكى كۈچلۈك بولغان ئىپادىسى ئارقىلىق ئارسېنالنى چوڭ نومۇر پەرىقى يەنى 4:0 نەتىجە بىلەن غەلبە قىلىپ شاللاش مۇسابىقىسىنىڭ دەسلەپكى غەلبىسىنى قولغا كەلتۈردى . ئىبرايىمىچمۇ ئۆزىنىڭ ئۈستىدىن تارقالغان كۆمۈش شاھلىق رىۋايەتنىڭ ساختىلىقىغا گۇۋاھ بولغۇچى بىر توپ ئۇردى . شۇنداقلا ئارسېنالغا بولغان چوڭ بېسىمدىن بىرنى ئېلىپ كەلدى .
مۇسابىقە باشلىنىپلا ئىنتايىن كەسكىن ئېلىپ بېرىلدى . ئەزەلدىنلا ئارسېنالنىڭ ھۇجۇم سۈرئىتىنى تىز بىلىدىغان مەستانىلەر مىلاننىڭمۇ ئۆز مەيدانىدا ھۇجۇم سۈرئىتىنىڭ ئارسېنالدىن قېلىشمىغۇدەك دەرىجىدە ئىكەنلىكىدىن ھەيران قالغان بولسا كېرەك . مىلان شاھزادىسى دەپ نام ئالغان بوئاتېڭنىڭ يۇقىرى سەۋىيەلىك ئۇرغان بىرىنجى توپى شۇنداقلا روبىنىئونىڭ ئىككى توپ ، ئىبرايىمىچنىڭ بىر توپ ئۇرىشى بىلەن ئۆز مەيدانىدا ئارسېنال ئۈستىدىن زور نومۇر پەرقى ئارقىلىق غەلبە قىلىپ 8 كۈچلۈككە كىرىش ئۈچۈن پۇختا ئاساس سالدى . | 
